大连大拍拍卖有限公司

长实吴佳庆俾拍卖官话完即刻唔敢再举牌?
  • 来源:经济通
  • 时间:2011-09-07
  • 作者:大连拍卖网

   早两次卖地场气氛冷清,甚至出现「一口价」成交嘅罕有现,有投资者担心发展商确认睇淡后市。不过,今日政府连拍三幅地,气氛相当激烈,元朗洪水桥低密度住宅地更录得162口叫价,成为历史上第三多叫价嘅卖地纪录。

  小记去过多次卖地现场,发现发展商投地各有风格,有啲钟意明刀明枪,有啲钟意搵影子手,免得对家知道自己底牌。之不过,唔知长实(00001)执行董事吴佳庆系咪好想投得将军澳66A地皮,拍卖官都未叫下一口叫价已经举定牌先。搞到后尾拍卖官开声话等佢叫下一口叫价先好举牌,唔好心急。无独有偶,俾拍卖官咁话完之后,吴佳庆真系即刻收手喎,无再举牌,令将军澳地由新地(00016)影子手42号牌投到。

  拍卖官罗思善经验老到,过去一直好识得掌握卖地节奏同竞投气氛。但唔知系咪今日天口太热,拍卖官有好几次睇错牌,而旁边助手又翻译错叫价,令拍卖需要中途暂停好几次厘清出价。到第三块元朗洪水桥地皮竞投时,仲miss咗一口叫价,要重新再叫一次添。

  个个都?实元朗块地,搞到需时最耐。由于太多人举牌竞投,搞到拍卖官三番四次睇得唔清楚,究竟边个举牌以边个价钱竞投块地。拍卖官喺2﹒15亿和2﹒16亿呢两个价钱看不清楚边个举牌,故此需要停下来先问个明白。可能系感染咗香港人心急嘅恶习,又可能系嫌每口叫价太细,信和(00083)主席黄至祥等得唔耐烦,按奈不住,坐喺位度大嗌咗下两口价2﹒18亿元出来。好在拍卖官无理佢,如果唔系,其他人有样学样,又举牌又用口嗌,仲更加混乱添。

上一篇:拍卖官:对卖地成绩感到满意
下一篇:没有了
公司简介 | 公司荣誉 | 拍卖信息 | 新闻中心 | 拍品征集 | 拍卖规则 | 法律法规 | 联系我们

CopyrightC 2011 大连大拍拍卖有限公司. All rights reserved.
电话:0411-82642137 传真:0411-82642137 辽ICP备11014093号-1